Arie Tulus : Tomohon Ta Sayang Pa Ngana (3)

Kolam Renang Indraloka Kinilow. 

Satu panggal puisi di Kinilow


So bagini tu Kinilow
dari dulu
so dari mama papa pe nenek tetek
pe nenek-nenek
pe tetek-tetek
da rasa akang
waktu nona-nona manis
nyong-nyong pranggang
pe buka mata  kamari
bulu-bulu so dola
kong bicara:
“Lakas, beking jo apa ngana pe mau “

jare-jare  ini
nya’ ta brenti
baku-baku cako sampe ta iris-iris

depe laste
jadi loto
jadi sosiru
kong jadi doi
for mo isi akang puru
kase skolah tu anak-anak 
kodomo kodomo


sampe dorang hidop sandiri
sampe dorang bole tabae
dapa meja deng kadera

so bagini tu Kinilow
ngana le bole datang kamari
di Indraloka
dudu-dudu
basanang-sanang
lia-lia dorang batobo dari pagi sampe malang
ato ngana sandiri le mandi-mandi
ngana sandiri le tidor baguling-guling
sampe ngana talicing-licing kuli
sampe ngana tapuas-puas
kong sampe le ngana sandiri dapa inga
so bole pulang

nanti datang lagi.
----------------------
2005


Posting Komentar

0 Komentar