Arie Tulus : Tomohon Ta Sayang Pangana (2)

Sketsa Arie Tulus: " Yesus Memberkati Manado dari Tinoor Tomohon" 

Tinta di atas kertas 2 Nopember 2001

Satu panggal puisi Di Tinoor

Waktu ba lewat pa ngana Tinoor

memang so butul ngana bilang

ngana 1000 R

dia pe arti le sama deng

saribu rasa langgar di gergantang

rasa lapar

rasa pisang

rasa dodol

rasa nasi

rasa sate

rasa pangi

rasa sup

rasa kecap

rasa brenebon

rasa erwe

rasa tinorangsak

rasa ayang

rasa rica-rica

rasa sadap

rasa pidis

rasa rasa

rasa pis

 rasa konto

rasa puk

karna kanyang

ha…,

Tinoor

di pinggir jalang rumah makang ini

kita pe rasa lalah

kage-kage ilang

tabawa anging pemandangan kota Manado

kalapa-kalapa deng pohong-pohong cingke

da hidop di tubir-tubir pe gurui skali

ngana tau ?

so banya kaki

dari dunia sana

dunia sini

ada badiri ambe-ambe gambar

for dorang pe ole-ole.

2005