Arie Tulus: Tomohon Ta Sayang Pangana (1)

  

Biar baron sampe di dunia mana

nyak ada yang rupa ngana

nyak ada sayang

co ngana lia itu Lokon

co ngana lia itu Mahawu

ijo biru kanal cahaya matahari

co ngana lia kwa’

apalagi

ngana sampe dapa pigi

ngana sampe dapa nae

pa dia pe puncak

o dodo e

pe gaga skali ngana sayang

Manado

Klabat

Dua  sudara

Bitung

Danau Tondano

Soputan

trus ka pante Amurang

ta sapu deng ngana pe mata

sampe tagoyang-goyang kapala

Tomohon

ta sayang pa ngana

manjo

ba dekat kwak kamari

kong kase ngana pe talinga

dengar bae-bae ne?

“Awas, jang sampe ada tangan-tangan saki hati

sangaja mo rabe-rabe

ngana pe muka.

----------

 2005.